tn_P1010013

HSK ganga í síðustu viku:

Gíslholtsfjall er gott að kynna

HSK stóð fyrir fjölskyldugöngu á Gíslholtsfjall í Holtum  sl. fimmtudag og mættu 14 manns í gönguna.  Nokkuð hvasst var í veðri, en göngugarparnir létu það ekki á sig fá og fór Sverrir Kristinsson  bóndi í Gísholti fyrir hópnum. 

Farið var með póstkassa og var honum komið upp á fjallinu og er fólk hvatt til að skrifa nafn og símanúmer í bókina.

Meðal göngugarpa var Guðni Guðmundsson á Þverlæk og hann setti þessa vísu í gestabókina:

Gíslholtsfjall er gott að kynna.

Gerast hefði átt fyrir löngu.

Sverri bónda fínt að finna

og fræðast af á léttri göngu.