Kynning undir yfirskriftinni „Útivist og heilsuefling“ verður haldin í Menntaskólanum á Ísafirði 15. apríl. Meðal sýningaraðila á kynningunni eru Ferðafélag Íslands og Ferðafélag Ísafjarðar, Íþrótta- og ólympíusamband Íslands, Ungmennafélag Íslands og Lýðheilsustöð. Nemendum gefst þá kostur á að kynna sér starfsemi félaganna auk þess sem haldið verður erindi á sal skólans. Boðið verður upp á ýmsa hreyfingu fyrir nemendur og í hádeginu verður svo boðið upp á sérstakt heilsufæði í mötuneyti skólans. Klukkan 17 sama dag verður síðan opið hús fyrir alla íbúa á svæðinu sem hafa áhuga á að kynna sér starf og verkefni þeirra félagasamtaka sem að kynningunni standa. Um kvöldið verður síðan aðalfundur Ferðafélags Ísafjarðar en þar munu fulltrúar frá Ferðafélagi Íslands mæta og kynna starf félagsins og annarra deilda þess á landsbyggðinni.
Fréttin er frá bb.is
Útivist og heilsuefling!
Kynning í Menntaskólanum á Ísafirði fimmtudaginn 15. apríl 2010
Sýningaraðilar: Ferðafélag Íslands/Ferðafélag Ísfirðinga
Heilsuefling í Ísafjarðarbæ
Íþrótta- og Ólympíusamband Íslands, Almenningsíþróttasvið
Lýðheilsustöð, hreyfing, holt fæði, geðhjálp o.fl
Ungmennafélag Íslands, Ganga.is, Fjölskyldan á fjallið
Miðvikudagskvöld: Uppsetning kynningarbása.
D A G S K R Á
Fimmtudag:
Kl. 08:00 Nemendur geta gengið á milli sýningarbása, skoðað og kynnt sér málin.
Kl. 10:30 Í fundartíma á sal. Fulltrúar sýningaraðila flytja stutt erindi og kynna sín samtök.
Nemendur og starfsfólk skólans getur fræðst um málefni félagasamtakanna í frímínútum og hádegishléi og rætt við fulltrúa þeirra. Boðið verður upp á ýmsa hreyfingu á staðnum svo sem: Stafgöngu, hléæfingar, styrktaræfingar o.fl.
Kl. 12:00 - 13:00 Hægt verður að kaupa sér sérstakt heilsufæði á góðu verði í mötuneyti skólans.
Kl. 17:00 Opið hús fyrir íbúa á Norðanverðum Vestfjörðum sem áhuga hafa á að kynna sér starf og verkefni þeirra félagasamtaka sem að kynningunni standa.
Fulltrúar sýningaraðila flytja erindi og kynna samtök sín og það kynningarefni sem boðið er upp á í sýningarbásunum. Gestir fá tækifæri til að hitta fulltrúa félagasamtakanna og fræðast nánar um starf þeirra. Þá verður einnig boðið upp á stafgöngu, hléæfingar, styrktaræfingar o.fl.
Kl. 20:00 Aðalfundur Ferðafélags Ísafjarðar, fulltrúar frá Ferðafélagi Íslands mæta á fundinn og kynna starf félagsins og annarra deilda þess á landsbyggðinni.
