Hættu að hanga!
Súlur
Gengum á ytri Súlur í gær, fimmtudag 28 maí. Veður var ágætt þegar við lögðum af stað, sól en nokkuð rok. Einhverjum skúrum rigndi yfir okkur á leiðinni og kólnaði fljótlega eftir sem ofar dró. Það er enn mikill snjór í fjallinu og er hann blautur, linur og ekki sá besti til að ganga í. Sömuleiðis hvessti hressilega þegar síðust metrarnir voru eftir og þurftum við að stoppa allnokkrum sinnum út af fjúki og roki. Höfðum það samt gott þegar á toppinn var komið og snæddum nesti í smá skjóli af vörðunni. Engu að síður fínn göngutúr að vanda. kv, Sigmar og Ingólfur