Gekk á Strýtu á Föstudaginn langa í miklu blíðviðri, þoku og rudda. Fór með gönguhópnum 24x24. Gangan tók um 8 tíma en við hefðum getað gengið röskar, en hópurinn var misjafn og því var hægt á ferðinni. Þoka var alla leiðina og því gengið eftir GPS hnitum mest alla leiðina. Það gekk vel að komast á topinn og finna gestabókina. Upp á topp bauð Raggi í JMJ upp á Páskaegg handa göngufólki. Þetta var mjög hressandi ganga og verst var að sjá ekkert til fjalla en það er víst ekki hægt að panta veðrið. Engu að síður tókst mér að brenna hressilega framan í þokunni en sólin náði að senda einhverja geisla í gegn.