Hættu að hanga!
Myndakvöld hjá Útivist 2. febrúar í Húnabúð
Fyrsta myndakvöld ársins verður haldið í kvöld 2. febrúar kl. 20 í Húnabúð, Skeifunni 11.
Sýndar verða myndir frá hinu nýstofnaða Vatnajökulsþjóðgarði sem er stærsti þjóðgarður Evrópu. Flatarmál hans er um 12.000 ferkílómetrar eða um 11% af Íslandi.
Sýndar verða myndir frá hinu nýstofnaða Vatnajökulsþjóðgarði sem er stærsti þjóðgarður Evrópu. Flatarmál hans er um 12.000 ferkílómetrar eða um 11% af Íslandi.
Í þjóðgarðinum er að finna samvirkni jarðelds, jarðhita og myndunar jökla, landmótun jökla og vatnsfalla, eins og segir á vefsíðu þjóðgarðsins. Jósef Hólmjárn sýnir einstæðar myndir sínar sem hann hefur tekið á ferðum sínum um þetta stórbrotna svæði á undanförnum árum.
Myndakvöldin eru öllum opin, jafnt félagsmönnum sem öðrum. Aðgangseyrir er 800 kr. Sýningin stendur yfir í rúma klukkustund og er að henni lokinni boðið upp á köku- og brauðtertuhlaðborð kaffinefndar Útivistar þar sem borð svigna undan kræsingum.
Myndakvöldin eru öllum opin, jafnt félagsmönnum sem öðrum. Aðgangseyrir er 800 kr. Sýningin stendur yfir í rúma klukkustund og er að henni lokinni boðið upp á köku- og brauðtertuhlaðborð kaffinefndar Útivistar þar sem borð svigna undan kræsingum.