Í fyrrinótt var bylur í Hrafntinnuskeri og þegar göngufólk vaknaði þar i morgun var allt orðið hvítt í næsta nágrenni skálans. FÍ brýnir fyrir göngufólki að vera vel búið á gönguferðum nú á haustdögum og kanna vel veðurspá áður en haldið er til fjalla.

Fyrstu haustlægðirnar hafa verið að ganga yfir landið en í þeim getur orðið vonskuveður á fjöllum og ekkert ferðaveður.