Ferðir á næstunni

1. - 5. apríl

Fararstjórar: Bragi Hannibalsson og Sigrún Valbergsdóttir

Hámarksfjöldi: 15

Þátttakendur koma á eigin vegum til Ísafjarðar en kl. 10 á skírdagsmorgun er farið með bát til Hesteyrar í Jökulfjörðum þar sem dvalið verður í gamla Læknisbústaðnum fram á annan í páskum. Matur borinn frá skipi og upp í hús sem þarf að vekja úr vetrardvala.

2. - 5. dagur: Stefnt er að löngum gönguferðum hvern dag, t.d. að Sléttu, að Stað í Aðalvík og í Stakkadal. Einnig á nálæg fjöll s.s. Nasa, Mannfjall og Kagrafell. Allt háð veðri og færð. Á annan í páskum er hópurinn sóttur að Hesteyri í tæka tíð fyrir kvöldflug til Reykjavíkur.

Allur matur keyptur inn sameiginlega en er ekki innifalinn í verði.

Verð: 39.000 / 44.000

Innifalið: Sigling, gisting og fararstjórn.