Elínborg Kristinsdóttir, sem hefur verið virkur þátttakandi í verkefnum tengdum almenningsíþróttum sem UMFÍ hefur staðið fyrir í gegnum tíðina, gefur ekkert eftir því nú þegar hefur hún gengið á fimm fjöll. Elínborg hefur því fengið bronsverðlaun fyri árangur sinn. Þátttakendur fá síðan silfur fyrir að ganga á 10 fjöll og loks gull fyrir 20 fjöll.

Megintilgangur verkefnisins er að hvetja einstaklinga, fyrirtæki, fjölskyldur og hópa til að hreyfa sig og stunda helbrigða lifnarðarhætti. Þátttakendur skrá inn þá hreyfingu sem þeir stunda inn á vefinn www.ganga.is eða fá stimpil í göngubók fyrir að hjóla 5 km, synda 500 metra, ganga eða skokka 3 km og fyrir að ganga á fjöll.

Hægt verður að fá stimpil í göngubókina í afgreiðslu sundlauga landsins. Fyrir að hreyfa sig í 30 skipti fá þátttakendur bronsmerki, silfurmerki fyrir 60 skipti og gullmerki fyrir 80 skipti. Einnig eiga þátttakendur kost á öðrum veglegum verðlaunum fyrir þátttöku sína.

Öllum er heimil þátttaka, óháð aldri, en hægt er að velja milli þátttöku í einstaklingskeppni, hópakeppni eða fyrirtækjakeppni. Senda þarf göngubókina til þjónustumiðstöðvar UMFÍ fyrir 1. október 2010. UMFÍ hvetur alla til að taka þátt í verkefninu - hættu að hanga, komdu að hjóla, synda eða ganga.

Göngubókin Göngum um Ísland liggur frammi á sölustöðum N1 og flestum sundlaugum landsins.

3531973_elinborg_kristinsdottir

Mynd: Sigurður Guðmundsson, landsfullttrúi UMFÍ og umsjónarmaður verkefnisins er hér ásamt Elínborgu Kristinsdóttur sem gengið hefur nú þegar á fimm fjöll.

Í  sumar verður gengið að ýmsum fossum í héraðinu, sérstaklega þeim sem ekki eru  í alfaraleið. Göngurnar verða flestar að venju á fimmtudagskvöldum. Auk þess verður gengið á Þyril  og Varmalækjarmúla sem eru fjöll UMSB í verkefni UMFÍ, “fjölskyldan á fjallið” og verða gestabækur þar í sumar.

Föstudaginn 11. júní,  kl. 19.00 verður farið með gestabók á Þyril í Hvalfirði. Mæting fyrir ofan tanka Olíudreifingar í Litlasandsdal (fyrir ofan hvalstöðina).

Miðvikudaginn 23.júní. kl.20.00.  Jónsmessuganga á Varmalækjamúla. Boðið í kaffi og meðlæti að veitingahúsinu í Fossatúni að lokinni göngu. Mæting á melunum fyrir ofan Fossatún.

Fimmtudaginn 8. júlí kl.19.30. Gengið með Botnsá og skoðaðir fossar (ekki Glymur)  Á bakaleið verður  komið við hjá Paradísarfossi í Brunná. Mæting við bílastæðið við Stóra Botn.

Fimmtudaginn 22. júlí kl. 19.30. Fossaganga með Fitjaá í Skorradal,  Hvítserkur og fleiri fossar. Mæting við bæinn Fitja, þar verður sameinast í jeppa.

Fimmtudaginn 5. ágúst. Kl. 19.30.  Deildargil við Hraunsás í Hálsasveit. Gengið að Langafossi. Mæting ofan við heimreiðina að Hraunsási.

Fimmtudaginn 19. ágúst kl. 19.30. Gengið upp með Rauðsgili og fossarnir þar skoðaðir. Mæting við Rauðsgilsrétt.

Fimmtudaginn 2. september kl. 19.30. Gengið um Árdalsgil við Árdal. Mæting við Árdal.

Frekari upplýsingar um göngurnar er hægt að fá í síma

862 6361 og á vefnum www.umsb.is

Göngurnar má einnig sjá í Ferðir á næstunni.

Göngunefnd UMSB

umfi_Grms_2