This website uses cookies to manage authentication, navigation, and other functions. By using our website, you agree that we can place these types of cookies on your device.
Í fyrrinótt var bylur í Hrafntinnuskeri og þegar göngufólk vaknaði þar i morgun var allt orðið hvítt í næsta nágrenni skálans. FÍ brýnir fyrir göngufólki að vera vel búið á gönguferðum nú á haustdögum og kanna vel veðurspá áður en haldið er til fjalla.
Fyrstu haustlægðirnar hafa verið að ganga yfir landið en í þeim getur orðið vonskuveður á fjöllum og ekkert ferðaveður.
Ungmennasamband Borgarfjarðar, UMSB, stendur fyrir göngu á Skessuhorn á laugardaginn kemur, 23. ágúst. Hátindurinn er 963 m. Heildargöngutími 6– 7 klst. Gönguhækkun 900 m. Mæting við þjóðveg fyrir ofan Efri-Hrepp. Gangan hefst klukkan 13.
Skessuhorn telja margir tilkomumesta hluta Skarðsheiðarinnar og hefur tindurinn sá freistað margra í áranna rás. Þegar á hátindinn (963 m) er komið má njóta útsýnis eins og veður og skyggni leyfir jafnt nær sem fjær.
Gönguverkefnið af stað á Reykjanesið stendur fyrir menningar- og sögutengdri gönguferð sunnudaginn 24. ágúst kl. 11. Gangan hefst við slysavarnaskýli á Bláfjallaleið, neðan Grindarskarða. (Til að komast á upphafsstað göngu er ekið frá Hafnarfirði, Krýsuvíkurleið þangað til að komið er að stóru skilti sem á stendur Bláfjöll þar er beygt til vinstri og ekið í um 10 mín. að slysavarnaskýli).
Gengið verður frá Grindarskörðum að Hlíðarvatni í Selvogi. Selvogsgatan er gömul þjóðleið milli Hafnarfjarðar og Selvogs. Þessi hluti leiðarinnar er um 18 km og tekur um 6-7 tíma. Svæðið býr yfir minjum, mögnuðum sögum og fróðleik sem Sigrún Jónsd. Franklín mun miðla á leiðinni. Gott er að vera með nesti og í góðum skóm. Allir eru á eigin ábyrgð. Ekið með rútu til baka frá Hlíðarvatni. Þátttöku- og rútugjald er kr. 2500.
Gangan er fjórði hluti af sex menningar- og sögutengdum gönguferðum um hluta af gömlu þjóðleiðunum á Reykjanesskaganum sem farnar eru á tímabilinu 1.ágúst – 7. sept. ´08. Boðið er upp á þátttökuseðil þar sem göngufólk safnar stimplum fyrir ferð í hverju sveitarfélagi. Þegar búið verður að fara 3 - 6 ferðir verður dregið úr seðlum og einhverjir þrír heppnir fá góð gönguverðlaun. Dregið verður í sjöttu ferð. Göngufólk er beðið um að muna eftir að taka þátttökuseðla með í ferðir. Sjá nánar um ferðir á www.sjfmenningarmidlun.is
Ferðafélagið stendur þessa dagana fyrir ratleik í hlíðum Esjunnar. Tilvalið er fyrir fjölskylduna að fara saman í gönguferð á Esjuna og finna lausn á ratleiknum. Um er að ræða fimm pósta sem þarf að finna og á hverju þeirra er létt spurning sem þarf að svara.
Takið með ykkur blað og penna og skrifið niður rétt svör og sendið á
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
og spron.is/ratleikur. Vegleg verðlaun eru veitt í lok sumars þegar dregið er úr réttum svörum. Fyrsta póstinn er að finna ekki langt frá skiltinu við bílastæðið.
Sunnudaginn 3. ágúst verður gengið frá Ólafsfirði yfir í Héðinsfjörð og úr Héðinsfirði yfir á Siglufjörð.
Farið verður frá Siglufirði kl. 07:00 með rútu til Ólafsfjarðar.
Frá Ytri-Á verður lagt af stað í gönguna um 08:00. Gengið verður um Rauðuskörð yfir í Héðinsfjörð. Í Héðinsfirði verður búið að kveikja upp í grilli þegar göngugarpar koma niður og þar verður snædd dýrindis máltíð. Veiddur verður silungur í vatninu og hann settur spriklandi á grillið. Eftir þessa dásamlegu næringu verður svo göngunni haldið áfram yfir Hestskarð á Siglufjörð. Gangan er um 8-9 klst.
Það er stutt í að Héðinsfjörður verði ekki lengur eyðifjörður. Komdu og njóttu þessarar náttúruperlu áður en Héðinsfjarðargöng verða tekin í notkun.
Kostnaður við rútu og næringu í Héðinsfirði er 5.000 sem greiðist við skráningu. Skráðu þig í síma 898-3310 (Ásdís) eða á netfangið
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
Skráningu líkur 27. júlí.