Fimmtudaginn 9. desember var nemendum í 7. bekk Vatnsendaskóla veittar viðurkenningar fyrir þátttöku og dugnað í verkefninu Grunnskólaganga UMFÍ.
Verkefnið er í tengslum við átakið Hættu að hanga! Komdu út að hjóla, synda eða ganga.
Vatnsendaskóli var einn af þremur skólum í landinu sem kláraði verkefnið að öllu leyti og því fengu allir krakkarnir í 7. bekk viðurkenningarspjöld auk þess sem skólinn fékk sögu UMFÍ, Vormenn Íslands að gjöf.
Af þessu tilefni má geta þess að í haust var gerð könnun í öllum grunnskólum Kópavogs á ferðavenjum nemenda á leið í skólann á morgnanna. Í ljós kom að engin börn í Kópavogi eru eins dugleg að ganga í skólann eins og nemendur Vatnsendaskóla.
Myndir: Nemendur 7. bekkjar Vatnsendaskóla við afhendingu viðurkenningar fyrir þátttöku í Grunnskólahlaupi UMFÍ. Neðri mynd Guðrún Soffía Jónasdóttir, skólastjóri, tekur á móti viðurkenningum úr hendi Sigurðar Guðmundssonar landsfulltrúa UMFÍ.