Hættu að hanga!
Ganga Ferðafélagsins Norðurslóðar 4.september
Þá er komið að næstu göngu Ferðafélagsins Norðurslóðar. Hún verður farin næstkomandi laugardag, þann 4. september og litið á Jökulsá að austan.
Gengið verður frá Vestaralandi í Öxarfirði upp með Jökulsá, að Gloppu.
Þetta verður létt og skemmtileg fjölskylduganga um fáfarnar slóðir í ævintýralegu og undurfallegu umhverfi Jökulsárgljúfra. Takið með ykkur nesti og nýja, vel þjálfaða skó.
Mæting við Vestaraland kl. 13:00.
Veðurspáin er góð og vonast eftir góðri þátttöku.